Reunión de Proxecto FabLabs

Os pasados días 3 ao 6 de febreiro, visitamos O Porto para participar nunha reunión do proxecto FabLabs no que participamos. O encontro celebrouse nas instalacións de CATIM, onde gozamos dun excelente ambiente de traballo e dun trato impecable por parte dos nosos anfitrións.

Durante estes días, avanzamos significativamente nos diferentes aspectos do proxecto. Realizamos unha sesión de “Train the Trainers”, na que se traballou a metodoloxía para a formación dos futuros formadores. Ademais, cada equipo presentou os contidos das súas unidades, permitindo un debate construtivo sobre a estrutura e enfoque de cada unha delas.

Outro dos puntos clave foi a planificación das futuras reunións e dos eventos multiplayer, que serán fundamentais para a implementación e difusión do proxecto. Tamén definimos os contidos do Toolkit, garantindo que os recursos que desenvolvemos sexan útiles e accesibles para todos os usuarios.

A colaboración entre os participantes foi excelente, favorecendo o intercambio de ideas e a mellora dos materiais en desenvolvemento.