Evento de formación e difusión do proxecto Oceans na UDC

Onte o día 8 de febreiro celebramos un evento formativo na facultade de Ciencias da Educación da UDC para difundir e debatir os desenvolvementos xurdidos do proxecto europeo OCEANS.

No evento participaron mestras e mestres en formación, mestres en exercicio e profesorado especialista en tecnoloxía educativa. A xornada foi organizada xunto coa profesora e doctora Pilar Couto Cantero, da UDC, e a investigadora da USC e participante do proxecto Milagros Trigo Miranda.

Na xornada presentáronse os principais resultados do proxecto ata a data, o desenvolvemento dos pilotos nas escolas e as ferramentas de Realidade Virtualdesenvolvidas no proxecto por parte do CESGA.