Celebrada a Reunión de Lanzamento do Proxecto Erasmus+ AAA (AI-Acting): Impulsando a IA Responsable en la Educación de Adultos

O proxecto “AI Act(ing) in Adult Education” (AAA), unha Asociación de Cooperación financiada polo programa Erasmus+, ten como obxectivo principal mellorar a alfabetización en Intelixencia Artificial (IA) entre os educadores de adultos.

A iniciativa busca proporcionar aos profesionais as competencias necesarias para integrar a IA de forma responsable nos seus métodos de ensino. Con isto, AAA apoia a transformación dixital do sector ofrecendo formación práctica, unha guía de boas prácticas sobre o uso ético e responsable da IA, e recursos de aprendizaxe interactivos. Un enfoque clave é o fomento do pensamento crítico sobre a ética da IA, o nesgo e a privacidade dos datos.

Para dar inicio formal a esta colaboración, celebrouse a reunión de lanzamento (Kick-Off Meeting) os días 25 e 26 de novembro en Viena.

O proxecto é o resultado da colaboración transnacional entre seis organizacións expertas en educación de adultos, tecnoloxía e innovación:

• DIE BERATER UNTERNEHMENSBERATUNGS GESELLSCHAFT MBH (Austria, organización solicitante)
• SYNCNIFY (Francia)
• RESEARCH INNOVATION AND DEVELOPMENT LAB PRIVATE COMPANY (Grecia)
• FUNDACION PUBLICA GALLEGA CENTRO TECNOLOGICO DE SUPERCOMPUTACION DE GALICIA (España)
• FUTURE IN PERSPECTIVE LIMITED (Irlanda)
• Headway Consulting Group SRL (Bélxica)

Representantes de cada unha das organizacións participantes (todas elas expertas en educación de adultos, tecnoloxía e innovación) reuníronse para aliñar a visión do proxecto. A axenda de traballo permitiu establecer as bases da xestión financeira e de calidade, definir os perfís de usuario e realizar a planificación pormenorizada de todos os Paquetes de Traballo (WP1 a WP5). Esta colaboración transnacional é fundamental para garantir un impacto significativo na educación de adultos en toda Europa.